SM調教/拘束
上一次就同大家講過關於女性既高潮啦,咁今次就想講一講好多客人都會問既一個問題 SM用品。
因為我地店有賣SM既用品,有部份客人入到黎呢好傾果D都會吹下水,亦都有部份係以好奇既心態黎問，
就會問:喂 其實D人買SM野個樣係咪都係比較變態呀,個樣好猥瑣咁?
其實聽到呢個問題既時候,學阿振英咁講,有時係忍唔住笑，因為首先個樣猥唔猥瑣同佢買咩性用品係無關係,
就算靚女好身材乜都好,都一樣有會買仿真陽具呀等等可以自己用既玩具,唔通靚女就代表有好多仔可以揀,唔洗呢D玩具咩
其次就係變態呢樣野,玩SM既用品真係唔可以就定義左佢係變態,只不過係長久以來SM呢個字被人默化左太耐,令人覺得SM=變態,變態=SM,其實SM係一個施虐者同被施虐者既性幻想，只不過係用左在性呢方面,所以先會被人覺得係變態，老實講句,從心底入面問自己,係咪有一種想支配別人既幻想?有無?我答你,大部份人都一定會有呢種思想,但係好人好者,邊個會無啦啦被你支配住係咪先，但係在性既角度,如果你既伴侶係肯配合的話,呢種思想係可以釋放出黎的。
好啦咁大概解釋左SM唔係變態之後，咁講一講伴侶之間玩SM用品有咩特別啦，其實伴侶之間如果肯配合
一齊玩的話，對雙方既親密度係有一種用唔到口講既形容，以下既形容比較出位，驚唔順唔好再睇啦
首先,假如你伴侶買左一對手銬被你做驚喜,然後同你講:今晚我想你綁住我，你想做D咩我都唔會反抗，
今晚我聽哂你話。又或者同你講:今晚我要綁住你,我要你今晚唔准訓,咩都聽哂我話,你係我嫁啦,你走唔甩。
試想像一下如果個伴侶講呢D極度挑逗既說話再加上真係有個手銬黎呼應番佢句說話,如果係你,你仲會唔會
覺得變態?我諗9成既人都已經係著哂火啦,仲會諗變態咩,果晚之後第2日可能要換床。
但係呢,一定要你既伴侶肯同你配合先有呢個效果嫁WO,咁樣的話SM就唔會係變態,而係情趣。當然如果你
買左手銬呀腳銬夾硬黎綁住你伴侶,而佢又唔接受呢種玩法的話,我諗第2日你去左差館報到,咁呢D就真係叫變態啦。
所以想同大家講既係,SM真係唔好定義左係變態,需要理解佢點玩法,同咩人玩,唔好將SM既壞處無限放大,
然後話人變態,如果同伴侶有配合有共識咁玩SM,其實呢一種情趣係比其他性玩具更高一種層次
但係
但係
但係
一定要有共識同雙方都默許,如果唔係就真係會變左變態啦。
